Avtomobil dəmir maneələrə çırpıldı: xəsarət alanlar var - Bakı-Quba yolunda

Sumqayıt şəhərində yol qəzası olub. Avtosfer.az-ın "Report"a istinadən məlumatına görə, hadisə Bakı-Quba yolunun Sumqayıt şəhərindən keçən hissəsində qeydə alınıb. Belə ki, yüksək sürətlə hərəkətdə olan avtomobil idarəetmədən çıxaraq yol kənarındakı dəmir maneələrə çırpılıb. Nəticədə iki nəfər - 1959-cu il təvəllüdü Zakir İsmayıl oğlu Məhərrəmov və onun həyat yoldaşı, 1964-cü il təvəllüdlü Kərimət Soltan qızı Məhərrəmova müxtəlif dərəcəli bədən xəsarətləri alıblar. Yaralılar xəstəxanaya yerləşdiriliblər. Faktla bağlı araşdırma aparılır.