Avtomobil orta yaşlı qadını vurub - Bakıda

Sabunçu rayonunda yol-nəqliyyat hadisəsi zamanı 1 nəfər xəsarət alıb. Avtosfer.az-ın "Report"a istinadən xəbərinə görə, yol qəzası Zabrat qəsəbəsində baş verib.

1974-cü il təvəllüdlü Babayeva Humay Əhməd qızı yolun qaranlıq, piyadalar üçün müəyyən edilməmiş hissəsindən keçərkən onu "Mercedes" markalı avtomobil vurub.

Yaralı hadisəni törədən sürücünün köməkliyi ilə 3 saylı Kliniki Tibbi Mərkəzə yerləşdirilib.

Faktla bağlı Sabunçu Rayon Polis İdarəsinə məlumat verilib.