Avtomobil piyadanı vuraraq öldürüb - Bakıda

Bakıda avtomobil piyadanı vuraraq öldürüb. Daxili İşlər Nazirliyindən Avtosfer.az-a verilən məlumata görə, hadisə Nərimanov rayonunun Ziya Bünyadov prospektində qeydə alınıb.  Belə ki, avqustun 16-da saat 7 radələrində Bakı şəhər sakini Telman Xanəliyev idarə etdiyi “Mitsubishi” markalı avtomobillə yolu keçən Masallı rayon sakini Seymur Müzəffərovu vurub və nəticədə piyada hadisə yerində ölüb. Nərimanov Rayon Polis İdarəsi tərəfindən araşdırma aparılır.