Avtomobil piyadanı vuraraq öldürüb - Qaradağda

Qaradağ rayonunda avtomobil piyadanı vuraraq öldürüb. Daxili İşlər Nazirliyindən Avtosfer.az-a verilən məlumata görə, hadisə rayonun Salyan yolu küçəsində qeydə alınıb.  Belə ki, sentyabrın 10-da saat 7 radələrində Qaradağ rayonunun Salyan yolu küçəsində Şəmkir rayon sakini İsgəndər Məmmədov idarə etdiyi “Mercedes” markalı dövlət qeydiyyat nişanlı avtomobillə yolu keçən Füzuli rayon sakini Mahir Ağayevi vurub və nəticədə piyada hadisə yerində ölüb. Faktla bağlı Baş İstintaq və Təhqiqat İdarəsi tərəfindən araşdırma aparılır.