Avtomobil piyadanı vuraraq öldürüb - Yevlaxda

Yevlax şəhərində piyadanın ölümü ilə nəticələnən yol qəzası baş verib. Avtosfer.az-ın "Report"a istinadən məlumatına görə, Bərdə rayon sakini Əlizamin Hüseynov idarə etdiyi “KİA” markalı avtomobillə yolu keçən Ağdam rayonundan olan məcburi köçkün, 1973-cü il təvəllüdlü Elçin Mübariz oğlu Əliyevi vurub. Müxtəlif bədən xəsarətləri alan piyada xəstəxanaya yerləşdirilsə də onun həyatını xilas etmək mümkün olmayıb. Faktla bağlı araşdırma aparılır.