Avtomobil sərnişin mikroavtobusu ilə toqquşdu: xəsarət alan var - Gəncədə

Gəncə şəhərində idarəetmədən çıxan avtomobil mikroavtobusa çırpılıb. Avtosfer.az-ın "Report"a istinadən məlumatına görə, sürücü Elcan Məmmədov idarə etdiyi "VAZ-21013" markalı avtomobillə şəhərin Təbriz küçəsində hərəkətda olan zaman 1965-ci il təvəllüdlü İlham Musayev onun yoluna çıxıb. Bu zaman piyadanı vurmamağa çalışan sürücü avtomobilini sağa çəkərək "İsuz-Bogdan" markalı şəhər daxili mikroavtobusa çırpılıb. Nəticədə piyada müxtəlif bədən xəsarətləri alaraq xəstəxanaya yerləşdirilib. Faktla bağlı araşdırma aparılır.