Avtomobil su kanalına aşdı: xəsarət alanlar var - Yevlaxda

Yevlax rayonunda yol qəzası baş verib. Avtosfer.az-ın "Report"a istinadən məlumatına görə, hadisə Mingəçevir-Xaldan avtomobil yolunun 7-ci kilometrliyində, Əkşəm kəndi yaxınlığında qeydə alınıb. Belə ki, "Opel" markalı minik avtomobili idarəetmədən çıxaraq yol kənarındakı su kanalına düşüb. Nəticədə üç nəfər müxtəlif dərəcəli bədən xəsarətləri ilə xəstəxanaya yerləşdiriliblər. Faktla bağlı araşdırma aparılır.