Avtomobil yol dairəsinə çırpıldı: 1 nəfər xəsarət alıb - Mingəçevirdə

Mingəçevirdə xəsarətlə nəticələnən yol qəzası baş verib. Avtosfer.az "Report"a istinadən xəbər verir ki, hadisə şəhərin Gəncə şosesində baş verib. Belə ki, "VAZ-2106" markalı avtomobil idarəetmədən çıxaraq yol dairəsinə çırpılıb. Hadisə nəticəsində sürücü, 1955-ci il təvəllüdlü Ağdam rayon sakini Həsənov Tanrıverdi Məhəmməd oğlu müxtəlif dərəcəli bədən xəsarətləri alıb. O, xəstəxanaya yerləşdirilib. Faktla bağlı araşdırma aparılır.