Avtomobil yolun kənarına aşdı: sürücü xəsarət alıb - Salyanda

Salyan rayonunda 1 nəfərin xəsarət alması ilə nəticələnən yol qəzası baş verib. “Report”un Aran bürosu xəbər verir ki, hadisə bu gün səhər saatlarında rayonun Dayıkənd kənd ərazisində qeydə alınıb. Bakı şəhər sakini, 1989-cu il təvəllüdlü Səlimov Sərvər Müslüm oğlu idarə etdiyi “Daewoo” markalı avtomobillə hərəkətdə olarkən idarəetməni itirib və maşın yolun kənarına aşıb. Nəticədə müxtəlif dərəcəli bədən xəsarətləri alan sürücü Salyan Mərkəzi Rayon Xəstəxanasına yerləşdirilib. Faktla bağlı araşdırma aparılır.