Azərbaycanda AĞIR QƏZA: 2 qadın, 1 kişi ÖLDÜ - YENİLƏNİB

Samuxda baş vermiş ağır yol-nəqliyyat hadisəsində ölən və xəsarət alanların şəxsiyyəti məlum olub.

Avtosfer.az APA-ya istinadla xəbər verir ki, VAZ-2107 və "Mercedes" markalı minik avtomobillərinin toqquşması nəticəsində 1975-ci il təvəllüdlü S.Əhmədov, 1987-ci il təvəllüdlü F.Əhmədova və 1962-ci il təvəllüdlü A.Alıyeva hadisə yerində həyatlarını itiriblər. Qəza zamanı daha iki nəfər ağır xəsarət alıb.

Hadisə yerinə Fövqəladə Hallar Nazirliyinin (FHN) Gəncə Regional Mərkəzinin xilasediciləri cəlb olunublar. Xilasedicilər deformasiyaya uğramış avtomobillərdə sıxılmış vəziyyətdə qalan 3 nəfərin meyitini çıxararaq aidiyyəti üzrə təhvil veriblər. Eyni zamanda, avtomobildə sıxılmış vəziyyətdə qalan bir nəfər yaralı da xilas edilərək təcili tibbi yardım briqadasına təhvil verilib.

Hadisə yerinə Dövlət Yol Polisi (DYP) əməkdaşları cəlb olunublar. Faktla bağlı araşdırma aparılır.

***22:13
Samuxda ağır yol qəzası baş veribə

Avtosfer.az qafqazinfo-ya istinadən xəbər verir ki, hadisə rayon ərazisində qeydə alınıb.

Məlumata görə, iki avtomobilin toqquşması nəticəsində 3 nəfər ölüb.

Hadisə yerinə polis əməkdaşları və aidiyyəti qurumların əməkdaşları cəlb edilib.

Faktla bağlı araşdırma başlanılıb.