Azərbaycanda yol terroru - qəzada bir ailədən 7 nəfər öldü

Martın 31-də Lənkəranda baş vermiş ağır yol qəzası nəticəsində ölənlərin sayı 7 nəfərə çatıb. Avtosfer.az report-a istinadla verdiyi məlumata görə, yaralı vəziyyətdə xəstəxanaya yerləşdirilən 7 yaşlı Aslanov Ülvi Faiq oğlu bu gün xəstəxanada ölüb. 

Qəza Ələt-Astara magistralının Lənkəran rayonunun Gərmətük qəsəbəsi ərazisindən keçən hissəsində qeydə alınıb. "Shacman" markalı yük maşını ilə "VAZ-21015" və "Mitsubishi" markalı minik avtomobilləri toqquşub. Dəhşətli qəzada 6 nəfər ölüb.

Qəza zamanı üçü qadın və üçü kişi olmaqla 6 nəfər Ləj kənd sakinləri ölüb. Bir azyaşlı oğlan və yük maşınının sürücüsü (1987-ci il təvəllüdlü Natiq Cəfərov) isə xəstəxanaya yerləşdirilmişdi. 

həyatını itirənlərin hamısı bir ailənin üzvləri və yaxın qohumlardır. Onların hamısı Lənkəranın Ləj kəndinin sakinləridirlər. Ölənlərin hamısı "Mitsubishi"də olanlardır. Ölən və yaralananaların tam siyahısı belədir:

Ölənlər:

1966-cı il təvəllüdlü Aslanov Fikrət Şirəli oğlu

1968-ci il təvəllüdlü Aslanov Namiq Şirəli oğlu

1976-cı il Aslanov Faiq Tofiq oğlu

Xanımgül Aslanova

Mərziyyə Aslanova

Vəsmə Aslanova

Aslanov Ülvi Faiq oğlu (7 yaş)