Bakıda avtobusla minik maşını toqquşdu

120 nömrəli avtobus marşrutu ilə “Kia” markalı minik avtomobili arasında yol-nəqliyyat hadisəsi baş verib.

Avtosfer.az ucnoqta.az-a istinadən xəbər verir ki, hadisə paytaxtın Puşkin küçəsində qeydə alınıb. İlkin məlumata görə, qəza zamanı xəsarət alan olmayıb.

Qəza səbəbindən avtobusda olan sərnişinlər nəqliyyat vasitəsindən düşürülüb. Əraziyə yol polisi əməkdaşları cəlb olunub və araşdırmalara başlanılıb.