Bakıda avtomobil mağazaya çırpıldı: Sürücü qaçıb - FOTO

Bakının Sabunçu rayonunda gecə saatlarında ağır qəza baş verib. Avtosfer.az-ın Oxu.az-a istinadən verdiyi məlumata görə, yüksək sürətlə hərəkətdə olan “90-TB-742” dövlət nömrə nişanlı, “Mersedes E 250” markalı avtomobilin sürücüsü idarəetməni itirərək, yoldan çıxıb və mağazaya çırpılıb.  Şahidlərin sözlərinə görə, qəzadan sonra avtomobilin sürücüsü hadisə yerindən qaçıb. Hadisə yerinə yol polisi və post-patrul xidmətinin əməkdaşları gəlib.  Polis hadisəni törədən sürücünü axtarır.