Bakıda iki avtomobil toqquşdu - VİDEO

Bakı şəhəri, Binə qəsəbəsində iki avtomobilin toqquşması ilə nəticələnən yol-nəqliyyat hadisəsi baş verib.

Avtosfer.az oxu.az-a istinadən xəbər verir ki, hadisə "Südçülük sovxozu" adlanan ərazidə qeydə alınıb.

Belə ki, hadisə zamanı 99-VX-544 dövlət nömrə nişanlı "Ford Fiesta" markalı avtomobil ilə 99-GL-998 dövlət nömrə nişanlı "Mercedes-Benz" markalı maşın toqquşub.

Toqquşma nəticəsində "Ford Fiesta" markalı avtomobil yolayrıcı bordürə çırpılıb. Hər iki avtomobilə maddi ziyan dəyib. Qəza zamanı xəsarət alan olmayıb.

Sözügedən yol-nəqliyyat hadisəsindən görüntüləri təqdim edirik: