Bakıda minik avtomobili motosikletçini vurdu - ANBAAN VİDEO - YENİLƏNİB

"Bakının Yasamal rayonunda baş verən yol-nəqliyyat hadisəsi zamanı motosiklet sürücüsü yüngül xəsarət alıb."

Avtosfer.az xəbər verir ki, bu məlumat Oxu.Az-ın sorğusuna cavab olaraq Baş Dövlət Yol Polisi İdarəsindən (BŞDYPİ) verilib.

"İlqar Abil oğlu Müslümlü idarə etdiyi "Chevrolet" markalı, 77-YG-318 dövlət nömrə nişanlı avtomobillə hərəkətdə olarkən Mahir Vasif oğlu Nağıyevin idarə etdiyi TVS markalı, 99-K-795 dövlət nömrə nişanlı motosikleti vurub. Nəticədə motosikletin sürücüsü yüngül xəsarət alıb. Faktla bağlı Yasamal Rayon Polis İdarəsində araşdırma aparılır", - deyə məlumatda bildirilir.

***09:56

Bakının Yasamal rayonunda yol-nəqliyyat hadisəsi baş verib.

Avtosfer.az oxu.az-a istinadən xəbər verir ki, bununla bağlı görüntü sosial şəbəkədə paylaşılıb.

Qeyd olunub ki, hadisə iyunun 21-də saat 02:05-də Şıxəli Qurbanov küçəsində qeydə alınıb.

Belə ki, 77-YG-318 dövlət nömrə nişanlı avtomobilin sürücüsü 99-K-795 dövlət nömrə nişanlı motosikleti idarə edən şəxsi vurub.

Qəza ilə bağlı müvafiq qurumlara sorğu verilib.

Hadisənin görüntülərini təqdim edirik: