Bakıda zəncirvari qəza: Üç avtomobil TOQQUŞDU

Bakıda zəncirvari yol-nəqliyyat hadisəsi baş verib.

Avtosfer.az oxu.az-a istinadən xəbər verir ki, hadisə bu gün saat 07:30-da Yasamal rayonu ərazisində - Moskva prospektində qeydə alınıb.

Bildirilib ki, qəza zamanı üç avtomobil toqquşub.

Belə ki, BYD markalı, 77-CB-411 dövlət nömrə nişanlı avtomobilin sürücüsü Taleh Adil oğlu Əlizadə idarəetməni itirib. Nəticədə həmin nəqliyyat vasitəsi "Hyundai" markalı, 77-SC-061 dövlət nömrə nişanlı və KIA markalı, 77-NJ-563 dövlət nömrə nişanlı avtomobillərə çırpılıb.

Hadisə zamanı xəsarət alan olmayıb, maşınlara maddi ziyan dəyib.

Faktla bağlı araşdırma aparılır.