Benzin daşıyan avtomobil partladı: 35 ölü, 100 yaralı

Nigeriyada benzin daşıyan avtomobil partlayıb. Avtosfer.az "Report"a istinadən xəbər verir ki, bu barədə "Reuters" xilasetmə xidmətinin rəhbəri Usman Əhmədə istinadən məlumat yayıb. Məlumatda bildirilir ki, hadisə Nasarava ştatında baş verib. Partlayış zamanı 35 nəfər həlak olub, 100-dən çox insan xəsarət alıb. Ölənlərin əksəriyyəti hadisənin necə baş verməsinə baxmaq üçün əraziyə gələnlərdir. Qeyd edilir ki, hadisə benzin daşıyan avtomobilin yanacaqdoldurma məntəqəsinin yaxınlığında qəzaya uğraması nəticəsində baş verib.