Bərdədə fəhlə daşıyan mikroavtobus yandı - 9 yaralı, FOTOLAR

Bərdədə yanan mikroavtobusun sürücüsü və xəsarət alan fəhlələrin kimliyi məlum olub. Avtosfer.az  APA-ya istinadən xəbər verir ki, 1981-ci il təvəllüdlü  Anar Nəbiyevin  idarə etdiyi “RAF” markalı 66 BC 806 qeydiyyat nişanlı mikroavtobus yanıb. Hadisə yerinə FHN-in Ağdam yanğınsöndürmə bölməsinin əməkdaşları və təcili tibbi yardım briqadası cəlb olunub. Yanğın zamanı xəsarət alan 58 yaşlı Səfərova Səlbinaz, 58 yaşlı Şərifova Gilə, 48 yaşlı Məmmədova Həlimə, 41 yaşlı Məmmədova Rəna,  40 yaşlı Hacıyeva Şəkurə, 27 yaşlı Rəhimov Elmir, 26 yaşlı Məmmədova Elnar, 16 yaşlı Məmmədova Aişə və Elnur Məmmədov Ağdam Mərkəzi Rayon Xəstəxanasına yerləşdirilib. Elnur Məmmədovun vəziyyətinin ağır olduğu bildirilir.

Faktla bağlı araşdırma aparılır.

Qeyd edək ki, şəkillərdən avtobusun maye qazla işlədiyi görünür. 

20:29

Bərdədə fəhlə daşıyan mikroavtobus yanıb. Avtosfer.az xəbər verir ki, hadisə rayonun Şahvəlilər kəndi ərazisində baş verib. Məlumata görə, 66-ZC-806 dövlət nömrə nişanlı “Mercedes” markalı mikroavtobusda hərəkət zamanı yanğın baş verib. Hadisə zamanı xəsarət alanların olduğu bildirilir. Hazırda yanğının söndürülməsi istiqamətində tədbirlər görülür.

Avtosfer.az