Biləsuvarda 15 yaşlı gənci avtomobil vurub

Biləsuvarda piyadanın xəsarət alması ilə nəticələnən yol qəzası baş verib. Hadisə rayonun Ağalıkənd kəndi ərazisində qeydə alınıb. Belə ki, "VAZ-2107" markalı avtomobil kənd sakini, 2003-ci il təvəllüdlü Nəsirzadə Ehtiram Qahir oğlunu vurub. Yaralı sürücü tərəfindən xəstəxanaya çatdırılıb. Ona ilkin tibbi yardım göstərilərək, reanimasiya şöbəsinə yerləşdirilib. E.Nəsirzadənin vəziyyəti orta-ağırdır.

Faktla bağlı araşdırma aparılır.

"Report"