Biləsuvarda yol qəzası baş verib, xəsarət alan var

Biləsuvar rayonunda bir nəfərin xəsarət alması ilə nəticələnən yol qəzası baş verib. Avtosfer.az-ın "Report"a istinadən məlumatına görə, hadisə Ələt-Astara avtomobil yolunun 89-cu kilometrliyində - Biləsuvar rayonu ərazisindən keçən hissəsində qeydə alınıb. Belə ki, minik və yük avtomobillərinin toqquşması nəticəsində Yardımlı rayon sakini, 1994-cü il təvəllüdlü Maqsud Namiq oğlu Hacızadə xəsarət alıb. Yaralı Biləsuvar Rayon Mərkəzi Xəstəxanasına yerləşdirilib. Faktla bağlı araşdırma aparılır.