Bir ailə yol qəzasına düşdü: ölən və yaralananlar var - Şəmkirdə

Bakı-Qazax avtomobil yolunda baş vermiş yol qəzasında ölən və yaralananların kimliyi məlum olub. Avtosfer.az-ın "Report"a istinadən məlumatına görə, "Opel" markalı avtomobilin qəzaya uğraması nəticəsində 1 yaş 8 aylıq Nuray Cavid qızı Məmmədova ölüb.

Hadisə zamanı həmçinin Gürcüstan Respublikası, Marnueli rayon sakini, Kərimova Aidə Əli qızı (1985-ci il təvəllüdlü), Bakı şəhər, Sabunçu rayonu, Zabrat qəsəbə sakini, Kərimova Dizbəst (1962-ci il təvəllüdlü) və Məmmədov Cavid Hiday oğlu (1977-ci il təvəllüdlü) xəsarət alıblar. Hər üç yaralının vəziyyətinin orta-ağır, daha iki yaralının vəziyyətinin isə normal olduğu bildirilir.

İlkin ehtimallara görə, qəzaya sürücünün sükan arxasında yuxulaması səbəb olub.

Faktla bağlı araşdırma aparılır.

***04:44

Bakı-Qazax avtomobil yolunda yol qəzası baş verib. "Opel" markalı avtomobil Bakı şəhərindən Gürcüstan istiqamətinə hərəkətdə olarkən Şəmkir rayonda yerləşən "Tır parkı" deyilən ərazinin yaxınlığında qəzaya uğrayıb. Hadisə nəticəsində, 1 uşaq ölüb, daha 5 nəfər yaralanıb.

Ölən və yaralananlar bir ailənin üzvüdürlər. İlkin ehtimallara görə, qəzaya sürücünün sükan arxasında yuxulaması səbəb olub.

Faktla bağlı araşdırma aparılır.