Bir ailənin 4 üzvü yol qəzasına düşdü: ölən və yaralanan var - Tovuzda

Tovuz rayonunun Aşağı Quşçu kəndi ərazisində "UAZ" və "VAZ" markalı iki minik avtomobili toqquşub. Avtosfer.az-ın "Report"a istinadən məlumatına görə, nəticədə "VAZ-2107" markalı avtomobilin sürücüsü ölüb, "UAZ"da olan Şəmkir rayon sakinləri - 1992-ci il təvəllüdlü Murquzov Zaur Zabil oğlu və onun 1995-ci il təvəllüdlü həyat yoldaşı Murquzova Mariya İlham qızı isə xəsarət alıb. Hər iki yaralı Tovuz Rayon Mərkəzi Xəstəxanasına yerləşdirilib. Qəza zamanı onların avtomobildə olan iki övladı - 4 yaşlı Tunar və 1 yaşlı Banu xəsarətsiz ötüşüb. Faktla bağlı araşdırma aparılır.