“BMW” “VAZ”la toqquşdu: 2 ölü, 1 yaralı - Şəmkirdə

Şəmkir rayonunda ağır yol-nəqliyyat hadisəsi baş verib. DİN-nin mətbuat xidmətindən Avtosfer.az-a verilən məlumta görə, hadisə rayonunun Düyərli kəndi ərazisində baş verib. Belə ki, Bakı şəhər sakini Vüqar Vəliyevin idarə etdiyi “BMW” və Abşeron rayon sakini Mais Mirzəyevin idarə etdiyi “VAZ-21074” markalı avtomobillər toqquşub. Nəticədə M.Mirzəyev və sərnişinlərindən Rəsul Əliyev hadisə yerində ölüb, digər sərnişini və "BMW"nin sürücüsü V.Vəliyev xəstəxanaya yerləşdiriliblər. Faktla bağlı Baş İstintaq və Təhqiqat İdarəsi tərəfindən araşdırma aparılır.