Cəlilabadda avtomobil mal-qaranı vurub, 5 inək tələf olub

Cəlilabad rayonunda avtomobil mal-qaranı vurub. "Report"un Aran bürosu xəbər verir ki, hadisə gecə saatlarında, Ələt-Astara magistral yolunun bu rayonun Alar kəndi ərazisindən keçən hissəsində qeydə alınıb. Belə ki, "VAZ 2107" markalı avtomobil mal-qara sürüsünü vurub. Qəza zamanı sürücü yüngül xəsarət alıb. Ona hadisə yerində ilkin tibbi yardım göstərilib. Qəza nəticəsində azı 5 inək tələf olub. Faktla bağlı araşdırma aparılır.