Daha bir süpürgəçi qadın yol qəzasının qurbanı oldu

Paytaxtda daha bir süpürgəçi qadını avtomobil vurub. Avtosfer.az xəbər verir ki, bu barədə sosial şəbəkələrdə məlumat yayılıb.

Məlumata görə, 15:00 radələrində "Atatürk" prospektində şəxsiyyəti hələlik məlum olmayan süpürgəçi qadını avtomobil vurub.

Hadisə yerindəki şahidlər iddia ediblər ki, qadının üzərindəki süpürgəçi olduğunu bildirən fərqləndirici jileti çıxarılıb. Onun yol təmizləyən olduğunun bilinməməsi üçün belə edildiyi bildirilir.

Xatırladaq ki, martın 28-də aeroport yolunda süpürgəçi Cəmilə Salahova yol süpürərkən “Kamaz”la vurularaq öldürülmüşdü. Həmin hadisədən sonra  Bakı şəhər Dövlət Yol polisi İdarəsi şəhərin küçələrində kommunal-təsərrüfat işləri ilə məşğul olan, küçələri süpürən və təmizləyən işçilərə xüsusi jiletlər verilmişdi. Jiletlərin işıqqaytarma funksiyası olduğu üçün sürücülərin onları zamanında görəcəyi və qəzanın qarşısını alacağı düşünülürdü.

 Avtosfer.az