Dövlət işçiləri olan avtobus qəzaya uğradı – 7 ölü

Hindistanın cənubunda yerləşən Telinqan ştatında avtobusun yük maşını ilə toqquşması nəticəsində 7 nəfər ölüb. Trend-in məlumatına görə, insident Karimnaqar-Varanqal magistralında baş verib. İlkin ehtimal olaraq bildirilir ki, yük maşını idarəetməni pozaraq avtobusla toqquşub. Məlumata görə, avtobusda dövlət qulluqçuları olub. Daha 15 nəfərin xəstəxanaya çatdırıldığı deyilir. Onlardan 4-nün vəziyyəti ağır qiymətləndirilir.