Əfqanıstana miqrant aparan avtobus qəzaya düşdü, 79 nəfər ölüb - YENİLƏNİB

Əfqanıstanda İrandan qayıdan miqrantları daşıyan avtobusun qəzaya düşməsi nəticəsində ölənlərin sayı 79 nəfərə çatıb.

Avtosfer.az xəbər verir ki, bu barədə AFP məlumat yayıb.

Bildirilib ki, ağır yaralanan üç nəfərdən ikisi dünyasını dəyişib.

Ölənlərin arasında 19 uşaq var.

***

İrandan Əfqanıstana qayıdan miqrantları daşıyan avtobus qəzaya düşüb.

Avtosfer.az BBC-yə istinadən xəbər verir ki, Əfqanıstanda baş verən hadisə nəticəsində 76 nəfər ölüb.

3 nəfər ağır xəsarət alıb.

Bildirilib ki, avtobus İrandan qayıdan əfqanıstanlı miqrantları Kabil şəhərinə apararkən motosiklet və yanacaq daşıyan yük maşını ilə toqquşub.

BMT-nin miqrasiya agentliyinin məlumatına görə, bu ilin başlanğıcından bəri İran və Pakistandan Əfqanıstana qayıdan miqrantların sayı təxminən 1.5 milyon hesablanıb.