Əl əyləcini çəkməyi unudan bəyin səhvi gəlinin həyatını təhlükəyə atdı - VİDEO

Hadisə Bursada baş verib.

Avtosfer.az türk mediasına istinadən xəbər verir ki, toy mərasimindən sonra evlərinə yollanmağa hazırlaşan cütlüyün yaşadığı qəza qonaqları da təşvişə salıb.

Toy salonunun qarşısına avtomobili gətirən bəy həyəcandan əl əyləcini çəkməyi unudub. Gəlin maşına mindiyi anda avtomobil sürücüsüz şəkildə hərəkətə keçib.

Qapıları açıq vəziyyətdə olan maşın salonun qarşısından hərəkət edərək yolun ortasındakı metro divarına çırpılıb. Hadisə zamanı maşında yalnız gəlin olub. Yolda nəqliyyatın az olması faciənin qarşısını alıb.

Avtomobilin qarşısından keçən bir dəvətli isə maşının altında qalmaqdan son anda xilas olub. Gəlin xəsarət almasa da, hadisə toy iştirakçıları arasında böyük təşviş yaradıb.

 Faktla bağlı araşdırma aparılır.(son.xeber)