Ələt-Astara avtomobil yolunda mühafizəçini iş vaxtı maşın vurub - FOTO

Bu gün günorta saatlarında yeni çəkilən Ələt-Astara avtomobil yolunun 57-ci km-də, Salyan rayonunun Noxudlu kəndi ərazisində Avtomobil Yollarının Mühafizə Xidməti MMC-nin əməkdaşını maşın vurub. Avtosfer.az-ın virtualaz.org-a istinadən məlumatına görə, yol ayrıcısının giriş yolunda xidmət aparan 32 yaşlı Neftçala rayon sakini İbrahim Məhərrəm oğlu Məmmədov Astara rayon sakinin idarə etdiyi “Mercedes-C” markalı minik maşını ilə vurulub. Yol mühafizəçisi müxtəlif dərəcəli bədən xəsarətləri ilə Salyan Mərkəzi Rayon Xəstəxanasına yerləşdirilib. Xəstəxanadan verilən məlumata görə, hazırda xəstənin vəziyyəti qənaətbəxşdir. Faktla bağlı araşdırma aparılır.