Ələt-Astara yolunda qəza baş verib, xəsarət alanlar var

Cəlilabad rayonunda 2 nəfərin xəsarət alması ilə nəticələnən yol qəzası baş verib. Hadisə yeni çəkilən Ələt-Astara magistral yolunun 100-cü kilometrliyində, rayonun Uzuntəpə kəndi ərazisindən keçən hissəsində qeydə alınıb. Belə ki, iki minik avtomobilinin toqquşması nəticəsində iki nəfər - 1991-ci il təvəllüdlü Əliyev Tofiq Mirəli oğlu və 1973-cü il təvəllüdlü Qasımov Namiq İbrahim oğlu yaralanıb. Yaralılar xəstəxanaya yerləşdirilib.

Faktla bağlı araşdırma aparılır.