Əlverişsiz hava şəraiti qəzalara səbəb oldu: 2 ölü, 4 yaralı

ABŞ-da azı 3 nəfər əlverişsiz – qarlı, yağışlı, tufanlı hava şəraitinin qurbanı olub. "Report" xəbər verir ki, bu barədə "Associated Press" məlumat yayıb. Qeyd edilir ki, Luiziana ştatında küləyin gücünə tab gətirə bilməyən ağac yay mövsümü üçün inşa edilmiş evin damı üstünə aşaraq, onun içindəki uşağı əzib və azyaşlının ölümünə səbəb olub. Viskonsində qadın sürücü nəqliyyat vasitəsinə idarəetməni itirib. Nəticədə onun avtomobili buzlu yolda digər avtomobilə çırpılıb. Qəza nəticəsində 1 nəfər ölüb, daha 4 nəfər xəsarət alıb. Yaralılar xəstəxanaya yerləşdirilib.

Bundan əlavə, Nebraska ştatında da qar təmizləyən avtomobilin sürücüsü ölüb.