Filləri daşıyan yük maşını aşdı

İspaniyanın şərqindəki Albasete əyalətində sirk fillərini daşıyan yük maşını aşıb. Trend-in məlumatına görə, hadisə nəticəsində heyvanlardan biri ölüb, ikisi isə xəsarət alıb. Qeyd olunur ki, qəza yük maşınının ötmə əməliyyatı keçirməsi zamanı baş verib. Yük maşınında 5 fil daşınırmış. Digər iki fil xəsarət almayıb. Qaldırıcı kranlar vasitəsilə yol təmizləndikdən sonra nəqliyyatın hərəkəti bərpa olunub.