Futbolçuların olduğu təyyarədə yanğın baş verib

Göyərtəsində futbol üzrə Səudiyyə Ərəbistanı yığmasının olduğu təyyarə qəzaya uğrayıb. "Report"un "The Mirror"a istinadən məlumatına görə, ərəblər Uruqvayla dünya çempionatının II tur matçı üçün Rostov-Dona uçarkən hava gəmisinin mühərriki yanıb. Yanğına baxmayaraq, təyyarə komanda ilə birgə hava limanına uğurla eniş edib. Qeyd edək ki, iyunun 20-də "Rostov Arena"da keçiriləcək Uruqvay - Səudiyyə Ərəbistanı matçı Bakı vaxtı ilə saat 19:00-da başlanacaq. İlk turda Səudiyyə Ərəbistanı Rusiyaya 0:5 hesabı ilə uduzub. Uruqvay isə Misirə qalib gəlib - 1:0.