Gəmilər toqquşdu: 10 nəfər itkin düşdü

Çinin Şanxay şəhəri yaxınlığında yük gəmisinin batması nəticəsində 10 ekipaj üzvü itkin düşüb.

Avtosfer.Az Teleqraf.com-a istinadən xəbər verir ki, uzun saatlardır davam edən xilasetmə əməliyyatı heç bir nəticə verməyib.

Məlumata görə, “Şuntsyan-2” yük gəmisi digər gəmi ilə toqquşma nəticəsində batıb. İkinci gəminin göyərtəsində adam olub-olmadığı, həmçinin qəzanın baş vermə səbəbləri məlum deyil.

“Şuntsyan-2” gəmisi Nankin şəhərindən Quandun əyalətinə 3 min tona yaxın polad aparırmış. Gəminin göyərtəsində 13 ekipaj üzvü olub, onların hamısı toqquşmadan sonra suya düşüb, indiyədək üç nəfəri xilas etmək mümkün olub. Onların hər üçünə tibbi yardım göstərilib.