Goranboyda yol qəzası: yaralanan var

Goranboy rayonunda yol nəqliyyat hadisəsi baş verib. Avtosfer.az-ın "Report"a istinadən məlumatına görə, hadisə Goranboy-Naftalan yolunun rayon ərazisindən keçən hissəsində qeydə alınıb. Belə ki, "Mercedes-Benz" markalı avtomobil motosikletlə toqquşub. Qəza nəticəsində motosikletin sürücüsü, Goranboy rayon Qızılhacılı kənd sakini, 1978-ci il təvəllüdlü Ramin Əli oğlu Rüstəmov ağır bədən xəsarəti alıb. Yaralı öncə Goranboy Rayon Mərkəzi Xəstəxanasına, daha sonra isə Gəncə şəhərində yerləşən xəstəxanaların birinə göndərilib. Faktla bağlı araşdırma aparılır.