Helikopter çimərliyə düşdü: 1 ölü, 3 yaralı

Puerto-Rikonun şimal-şərq hissəsində "JetRanger" helikopteri çimərliyə düşüb. Avtosfer.az-ın Trend-ə istinadən məlumatına görə, helikopterin qəzaya uğraması nəticəsində bir nəfər həlak olub, üç nəfər isə müxtəlif dərəcəli xəsarətlər alıb. Qəza Rio-Qrande şəhərinin yaxınlığında baş verib. Yerdə olan insanlardan xəsarət alan olmayıb. Qəzanın səbəbi məlum deyil. ABŞ Federal Aviasiya İdarəsi araşdırmaya başlayıb.