Hərbçilər sərxoş vəziyyətdə qəza törətdi: polis postuna daxil oldular - FOTO

Ermənistan Müdafiə Nazirliyinin əməkdaşları sərxoş vəziyyətdə qəza törədərək Artaşat yolunda yol polisinin daimi nəzarət məntəqəsinə polis postuna daxil olublar. Avtosfer.az ordu.az-a istinadən xəbər verir ki, bu barədə Ermənistanın shamshyan.com saytı məlumat yayıb. Məlumatda deyilir ki, qəza ilə bağlı araşdırılma aparılan zaman məlum olub ki, qəza baş verən "Toyota" markalı avtomobilin sürücüsü 25 yaşlı Narek Vardanyan, sərnişini isə 30 yaşlı Aram Arakelyan olub və onların hər ikisinin içkili olduğu məlum olub. Qeyd edək ki, Ermənistan müdafiə nazirliyinin hərbi hissələrindən birində xidmət edən Aram Arakelyan kapitan, Narek Vardanyan isə gizirdir.