Hərbi nəqliyyat təyyarəsi qəzaya düşdü

ABŞ-ın Texas ştatında “Douglas C-47 Skytrain” hərbi nəqliyyat təyyarəsi qəzaya uğrayıb.

Avtosfer.az-ın məlumatına görə, bu barədə CBS telekanalı xəbər verib.

Məlumata əsasən, hadisə iyulun 21-də Bernet şəhərində qeydə alınıb. Təyyarə havaya qalxarkən qanadı uçuş-enmə zolağına toxunub, daha sonra təyyarə yanmağa başlayıb.

Qəza zamanı təyyarənin göyərtəsində 13 nəfər olub. İnsident nəticəsində 7 nəfər xəsarət alıb, onlardan birinin vəziyyətinin ağır olduğu bildirilir.  

Qəzanın səbəbləri barədə hələ ki, məlumat verilmir.