Heydər Əliyev prospektində piyadanı maşın vurub

Bakının Heydər Əliyev prospektində piyada keçidindən istifadə etməyən kişini maşın vurub. "Report"un xəbərinə görə, hadisə prospektin Nərimanov rayonu ərazisinə düşən hissəsində baş verib. 1982-ci il təvəllüdlü Əliyev Seyid Mircəfər oğlu piyadalar üçün müəyyən edilməmiş yerdən keçərkən onu "90-VF-615" dövlət qeydiyyat nişanlı "Chevrolet" markalı avtomobil vurub. Avtomobilin sürücüsü yaralını 1 saylı Kliniki Tibbi Mərkəzə çatdırıb. Həkimlər onun vəziyyətini orta-ağır kimi qiymətləndirir.

Faktla bağlı Nərimanov Rayon Polis İdarəsinin əməkdaşları tərəfindən avtotexniki ekspertiza təyin edilib.