Hindistanda qoşqulu traktor kanala aşıb, 14 qadın və uşaq ölüb

 Hindistanın Telanqana ştatında 20-dən çox insanı daşıyan qoşqulu traktor kanala aşıb. Nəticədə 14 qadın və bir uşaq həlak olub.

Avtosfer.az">Avtosfer.az “Report”a istinadən xəbər verir ki, bu barədə polisə istinadən NDTV telekanalı məlumat yayıb.

Hadisə ştatın paytaxtı olan Heydərabaddan təqribən 70 km aralıda qeydə alınıb. İlkin məlumata görə, sürücü digər nəqliyyat vasitəsi ilə toqquşmadan yayınan zaman idarəetməni itirib.

Hadisə nəticəsində daha 7 nəfər xəsarət alıb. Onlar xəstəxanaya yerləşdirilib.