İki avtomobil toqquşdu: ölən var - Salyanda

Salyan rayonunun Qaraçala qəsəbəsi ərazisində yol-nəqliyyat hadisəsi baş verib. DİN-dən Avtosfer.az-a verilən məlumata görə, avqustun 13-də saat 15 radələrində Salyan rayonunun Qaraçala qəsəbəsi ərazisində qəsəbə sakinləri İlham Baxşıyevin idarə etdiyi “VAZ-2107” və Vasif İsmayılovun idarə etdiyi “Hyundai” markalı avtomobillər toqquşub. Xəstəxanaya yerləşdirilmiş İ.Baxşıyev ölüb. Salyan RPŞ tərəfindən araşdırma aparılır.