İki avtomobil toqquşdu: xəsarət alanlar var - Tovuzda

Tovuzda iki nəfərin xəsarət alması ilə nəticələnən yol qəzası baş verib. APA-nın qərb bürosunun verdiyi məlumata görə, rayonun Düz Cırdaxan kəndinə gedən yolda “VAZ 2106” və “VAZ 2107” markalı iki avtomobilin toqquşması nəticəsində rayonun Cəlilli kənd sakini, 1992-ci il təvəllüdlü Əhmədov Azəddin və Düz Cırdaxan kənd sakini Bağırov Nizaməddin xəsarət alaraq xəstəxanaya yerləşdiriliblər. Onlara tibbi yardım göstərilib və ambulator müayinəyə buraxılıblar.

Faktla bağlı araşdırma aparılır.