İki maşın toqquşdu: biri körpüdən aşağı düşdü, digəri asılı qaldı – FOTO + VİDEO

Türkiyənin Konya əyalətində 1 nəfərin yaralanması ilə nəticələnən yol qəza hadisəsi baş verib. Avtosfer.az haberler.com-a istinadən xəbər verir ki, yük avtomobilinin minik avtomobili ilə toqquşması nəticəsində minik avtomobili körpüdən aşağı düşüb, yük maşını isə arakəsmələrdən asılı qalıb. Ətrafdakıların köməkliyi ilə hadisə yerinə polis və təcili tibbi yardım əməkdaşları çağrılıb. Hadisə yerinə gələn təcili tibbi yardım əməkdaşları avtomobilin sürücüsünü xəstəxanaya aparıblar. Polis qəza hadisəsi ilə bağlı nəqliyyatın hərəkətini məhdudlaşdırıb. Polis tərəfindən arakəsmədə asılı qalan yük maşını və körpüdən aşan avtomobil hadisə yerində aparılaraq nəqliyyatın hərəkətini yenidən bərpa ediblər.

Namiq