İki qardaş yol qəzasına düşdü: biri ölüb, digəri yaralanıb - Lənkəranda

Lənkəranda baş verən yol qəzasında iki qardaşdan biri ölüb. Rayonun Balıqçılar qəsəbəsində 53 yaşlı Elnur Abdullayevin idarə etdiyi avtomobil idarəetməni itirib və yoldan çıxaraq aşıb. Nəticədə avtomobildə olan sərnişin 46 yaşlı İlqar Abdullayev hadisə yerində dünyasını dəyişib. Qəza zamanl xəsarət alan Elnur Abdullayev isə Lənkəran Rayon Mərkəzi Xəstəxanasının reanimasiya şöbəsinə yerləşdirilib. Həkimlər onun vəziyətinin ağır olduğunu bildirir.

Samaxıda başverən avtoqəza da ölümlə nəticələnib. Bakı-Şamaxı yolunun Meysəri kəndi ərazisindən keçən hissəsində Şəki-Bakı marşurutu üzrə hərəkət edən sərnişin mikroavtobusu minik avtomobili ilə toqquşub.

Hadisə zamanı Şəki sakini Röyal Əhmədli aldığı ağır xəsarətlər səbəbindən hadisə yerində dünyasını dəyişib. Xəsarət alan 5 nəfər isə Şamaxı rayon Mərkəzi Xəstəxanasına yerləşdirilib.