İki təyyarə toqquşdu: 2 ölü

Amerikanın İndiana ştatında iki təyyarənin toqquşması nəticəsində 2 nəfər həyatını itirib. "Report" NBC telekanalına istinadən xəbər verir ki, "Cessna 150" tipli təkmühərrikli təyyarə Marion şəhər aeroportunun uçuş-eniş zolağında "Cessna 525 Citation Jet" tipli reaktiv hava gəmisi ilə toqquşub. Teleşirkətin məlumatına görə, hadisə qurbanlarından biri zərbənin gücündən təyyarədən yerə düşüb, digəri isə göyərtədə yanğın nəticəsində ölüb.