İki yük maşını toqquşdu: sürücülərdən birini naməlum avtomobil vurub - Kürdəmirdə

Kürdəmir rayonunda yol qəzası baş verib. Avtosfer.az-ın "Report"a istinadən məlumatına görə, hadisə Bakı-Qazax avtomobil yolunun rayonun Sığırlı kəndi ərazisindən keçən hissəsində qeydə alınıb. Belə ki, 09-RH-449 və 20-AB-035 dövlət qeydiyyat nişanlı "KamAZ" markalı yük avtomobilləri toqquşub. Nəticədə ilk maşının sürücüsü, 1960-cı il təvəllüdlü, Bərdə rayonunun Həsənqaya kənd sakini Rasim Cəmil oğlu Qasımov "KamAZ"dan yerə düşdükdən sonra naməlum avtomobil tərəfindən vurulub. O, müxtəlif dərəcəli bədən xəsarətləri ilə Kürdəmir Rayon Mərkəzi Xəstəxanasının Travmatologiya şöbəsinə yerləşdirilib.

Faktla bağlı araşdırma aparılır.