İşçiləri daşıyan yük maşını aşdı: 17 yaralı

Türkiyənin Qaziantep şəhərində kənd təsərrüfatı işçilərini daşıyan yük maşını aşıb. Avtosfer.az-ın Trend-ə istinadən verdiyi məlumata görə, yük maşınının aşması nəticəsində azı 17 nəfər xəsarət alıb. Onlar hadisə yerinə cəlb olunan təcili yardım briqadaları tərəfindən şəhərin mərkəzindəki xəstəxanalara çatdırılıb. Qeyd edilir ki, xəsarət alanlardan 3-nün vəziyyəti çox ağırdır.