İstanbulda xidməti avtobus aşdı: Xeyli yaralı var

İstanbulun Büyükçekmece rayonunda hava limanı işçilərini daşıyan xidməti avtobusun aşması nəticəsində 18 nəfər xəsarət alıb.

Avtosfer.az xəbər verir ki, bu barədə "İhlas" agentliyi məlumat yayıb.

Hadisə bu gün səhər saatlarında baş verib. Hərəkətdə olan avtobus yağış səbəbindən sürüşkənləşən yolda sürücünün idarəetməsindən çıxıb.

Xəsarət alanlar xəstəxanalara aparılıb. Polis qəza ilə bağlı müvafiq araşdırmalara başlayıb.