İmişlidə qəza - Xəsarət alan var

İmişli rayonunda xəsarətlə nəticələnən yol qəzası baş verib. 

Avtosfer.az unikal-a istinadən xəbər verir ki, hadisə rayon ərazisində qeydə alınıb. Qəza nəticəsində bir nəfər xəsarət alıb. 

Hadisə ilə bağlı İmişli Rayon Mərkəzi Xəstəxanasından bildirilib ki, 31.01.2026-cı il tarixində saat 10:30 radələrində İmişli rayonu ərazisində baş verən yol-nəqliyyat hadisəsi səbəbilə 1 nəfər (kişi) İmişli Rayon Mərkəzi Xəstəxanasının Təcili tibbi yardım şöbəsinə hospitalizasiya olunub.

1963-cü il təvəllüdlü şəxsə başın və bədənin müxtəlif nahiyələrinin kəsilmiş, sıyrılmış yaraları diaqnozları təyin olunub və zəruri tibbi yardım göstərilib.

Vəziyyəti qənaətbəxş qiymətləndirilən şəxs ambulator müalicə üçün evə buraxılıb.