İranda sərnişin avtobusu aşdı: 6 ölü, 18 yaralı var

İranda sərnişin avtobusunun iştirakı ilə ağır yol qəzası baş verib.

Avtosfer.az xəbər verir ki, hadisə avqustun 20-də səhərin erkən saatlarında Kerman-İranşəhr şossesində qeydə qalınıb. Bu barədə “Mehr News” nəşri məlumat yayıb.

Qeyd edilir ki, qəza nəticəsində 6 nəfər ölüb, 18 nəfər yaralanıb.

Yaralılar, hadisə yerinə cəlb edilən ambulanslarla xəstəxanaya aparılıblar.

Hüquq-mühafizə orqanlarının əməkdaşları tərəindən hadisənin baş vermə səbəbləri araşdırılır.

Namiq Musayev